|
Namnet hans tyder «tvilling». Han
har ord på seg for å vere den nølande og tvilande mellom læresveinane. Men
like gjerne kunne han bli hugsa for sitt vitne-mål før påske: «Vi går med
han, vi óg, så vi kan døy saman med han,» (Joh 11,16), og for si
vedkjenning etter påske: «Min Herre og min Gud!» (Joh 20,28). Han vart misjonær i Persia og
heilt til India der han vart martyr utanfor Madras. I Kerala i syd-vest
India fins kristne av syrisk-ortodoks tradisjon som enno kallar seg
'Tomas-kristne'. Somme feirar hans minnedag den 3.
juli, etter tradisjonen frå Syria der han har fått si grav i Edessa.
Bøn
'Herre,
du gjorde din apostel Tomas til kyrkjegrunnleggar og vitne.
Vi bed deg: Gje oss som han å kunne følgje deg i livet som i døden, og gi oss med dine heilage apostlar å få del i den evige gleda
ved Jesus Kristus, din Son, vår Herre.' |
På bilete
vert han ofte framstilt med vinkel-hake, ettersom han i India skal ha bygd
eit slott til ein fyrste men brukt pengane han tente til å hjelpe dei
fattige.
 |
